CITY OF EMBER. EN BUSCA DE LA LUZ
101 min
Gil Kenan, USA, estreada en España en 2009

Algún tipo de catástrofe ecolóxica sacode á Terra. Os superviventes deben refuxiarse baixo a superficie terrestre, na cidade de Ember, pensada para tal urxencia. Os sucesivos alcaldes da subterránea metrópole traspasaranse ao longo dos anos, uns a outros, unha enigmática caixa que anunciará cando volver ao exterior pero o tempo pasa, e a cadea de entrega da caixa rómpese, de modo que esta queda esquecida. Namentres a cidade inicia inexorablemente a súa decadencia. Por sorte andan por aí dous despertos mozos, Lina e Doon. Ambos acaban de facer o seu xuramento de servizo a Ember, e comezan a traballar, a primeira como mensaxeira, e o outro no mantemento das tuberías da cidade.