PEQUEÑOS INVASORES
88 min
John Schultz, USA, estreada en España en 2009

Os Pearson, un matrimonio con tres fillos, marchan para pasar uns días a unha casa no campo, onde se atopan cos seus tíos e primos. O maior dos mozos é Tom, un espigado adolescente, bastante listo pero pouco espelido, que non quería ir ata alí e que empeza a ver como se deterioran as relacións co seu pai. Ademais, Tom non pode nin ver o estúpido noivo da súa irmá Bethany, pero adora a súa pequena irmanciña Hannah. Con todo, ao pouco de chegar ao lugar, durante unha velada de sobremesa, aterran no tellado uns estraños e pequenos alieníxenas con moi malas pulgas. Tras a sorpresa e sen llelo dicir aos adultos, os Pearson e os seus primos intentarán por todos os medios frear esa avanzada extraterrestre que se propón abrir brecha na Terra para que as súas conxéneres invadan o planeta.